Հավատացեք եկել է ահաբեկիչներին իրենց որջում ոչնչացնելու ժամանակը. եթե ոչ այսօր ապա վաղը կարող է ուշ լինել: Այս մասին հայտարարություն է տարածել «Միդիա-Շանգալ» Եզդիների ազգային միավորումը:
Հայտարարությունում նաեւ ասվում է.
«2014թ. օգոստոսի 3-ին «Իսլամական պետություն» կոչվող հրեշները հարձակվեցին մեր բնօրրանի, մեր տան, մեր օջախի, մեր Շանգալի վրա եւ սկիզբ դրեցին եզդի ժողովրդի նկատմամբ էթնիկ զտումների, կոտորածների եւ ցեղասպանության: Սկսվեց եւ միջեւ օրս շարունակվում է մեր ժողովրդի նկատմամբ մարդկային մեծ աղետը…
ԻՊ-ի հրեշների ոճրագործությունները, տարածքների ամայացումը, քաղաքացիների գլխատումը վայրագությունների ցուցադրումը հանցագործություն են մարդկության եւ քաղաքակրթության դեմ: Դաժան անորոշ խավարը դեռեւս շարունակվում է պատել մեր բնօրրանի մի մասը:
Եզդի ժողովրդի անվանի երգչուհի Խատե Շանգալին 2015թ. հուլիսի 2-ին ստեղծել է «Արեւի աղջիկներ» կամավորական եզդիական զինջոկատը եւ տղամարդկանց հետ հավասար պայքարում է Շանգալի եւ եզդի գերիների «ստրուկների» ազատագրման համար: Ջոկատի աղջիկները սպանելով «Իսլամական պետության» հրեշների նրանց ուղարկում են դժոխք: Որովհետեւ, ըստ նրանց հավատքի, կնոջ կողմից սպանվածը դրախտ չի գնում: Այդ անասնական մղումներով տարված հրեշների մոտ իշխում է մահվան պաշտամունքը:
Երգչուհին զենք է վերցրել մայր, կին, աղջիկ, քույր ու հարս, մեր բոլորիս համար գեղեցկության տիպար կին, Աստծո կողմից կոչված են ծնելու, սիրելու, սիրվելու եւ արարելու համար: Բայց եզդի կինը այսօր մեր բնօրրանում զենք է վերցրել եւ սպանում է մարդ արարածին «եթե կարելի է իհարկե նրանց մարդ համարել»: Սպանում է ուրիշ կնոջ, նույնպես մոր ստեղծածին: Չի ուզում որդեկորուս եւ որդեսպան լինի, բայց կյանքը, շրջապատն իրեն որդեսպան է դարձրել նրան ցավ ու տառապանք է պատճառել այնպիսի ցավ, որը միայն հիշելն ահավոր ցավ է պատճառում: Եզդուհին զենք է վերցրել բիրտ, վայրագ եւ անմարդկային ուժի դեմ: Զայրութը ներսից խեղդում է բավական է բավական, եթե ժամանակին ամերիկյան եւ Եվրոպական զինվորական միջամտության որոշման դեմ պայքարողներ կային ապա այսօր առերեւույթ երեւում է որ շատ շատերը հասարակության մեծամասնությունը համոզիչ կերպով Իսլամական պետություն ահաբեկիչների դեմ կատարվելիք գործողությունների որոշման կողմնակից են:
Հավատացեք եկել է ահաբեկիչներին իրենց որջում ոչնչացնելու ժամանակը: Եթե ոչ այսօր ապա վաղը կարող է ուշ լինել: Լինենք միասնական ԻՊ չարիքը վերացնելու գործընթացը տրամաբանական ավարտին հասցնելու ուղղությամբ: Ժամն է գնահատենք մեկ մեկու ափսոսենք միմյանց եւ կանխենք մեզ սպառնացող աղետը:
Թե ես սխալվում եմ աղետը, ահաբեկչությունները միայն իսլամական պետություն կոչվող հրեշների հետ կապելու հարցում: Միթե կան ավելի խորքային գործընթացներ, որոնք չեն երեւում, որոնք մենք չենք տեսնում: Հավատացած եմ, որ իրադարձությունները կզարգանան ի նպաստ արդարության: Այդ ամենին կհետեւեն պատասխաներ որ ԻՊ-ի հրեշները չարիք են բոլորիս համար: Աշխարհի հզորներ ցավալի է բայց չպետք է մոռանանք որ դրա նախադեպերը բազմիցս եղել են դրանք կործանարար հետեւանքներ են ունեցել մարդկության համար: Հարկավոր է ժամանակին զգուշանանք եւ մեր ապագան չկանգնեցնենք այդ վտանգի արջեւ:
Աստված ապավեն ամբողջ աշխարհին մեր ընդհանուր տուն երկիր-մոլորակին: