Ռուսաստանի Ամուրսկայա շրջանի բնակիչը 17 տարվա ազատազրկման է դատապարտվել վեց մանկահասակ աղջիկների բռնաբարության համար, որոնցից երեքը նրա նախկին կողակիցների դուստրերն են եղել։

Ինչպես հայտնում է ռեգիոնալ դատախազությունը՝ Բլագովեշչենսկի 37-ամյա բնակիչը 2006-2013 թթ․ բազմիցս սեռական բնույթի գործողություններ է կատարել աղջիկների նկատմամբ, որոնք հանցագործությունների կատարման պահին 5-ից 9 տարեկան են եղել։

Աղջիկներից երեքը այն կանանց դուստրերն էին, ում հետ նա կենակցում էր հանցագործությունների կատարման ժամանակաշրջանում, մնացած տուժածները ՝ այդ աղջիկների ընկերուհիներն են եղել։ Նա հիմնականում տեսագրում էր մանկահասակների նկատմամբ իր գործողությունները։ Կատարված հանցագործությունները պատկերող տեսագրություններն էլ հենց դարձել են այս գործով հիմնական ապացույցներից մեկը, հայտնում է «Ինտերֆաքսը»։

Բացի դրանից դատարանը մեղավորին դատապարտել է հոգեբան- բժշկի մոտ հարկադիր հսկման ու բուժման։ Նա այդ բուժումը պետք է անցնի ամբուլատոր պայմաններում, պատիժը կրելու վայրում։