Մոսկվայի բորսայում գործարքները մեկնարկել են ռուբլու նոր ամրապնդմամբ: Գործարքների մեկնարկից անմիջապես հետո դոլարի փոխարժեքը նվազել է մոտ 1,5 ռուբլով:
Մոսկվայի բորսայում առավոտյան գործարքների ընթացքում դոլարի փոխարժեքը նվազել է մինչեւ 64,516 ռուբլու, ինչը 1,493 ռուբլով ցածր է օգոստոսի 27-ին փակման ժամանակ արձանագրված փոխարժեքից:
Միաժամանակ, եվրոյի փոխարժեքը նվազել է մինչեւ 73,413 ռուբլու, ինչը 78,7 կոպեկով ցածր է օգոստոսի 27-ի փակման գնից:
Ռուբլու փոխարժեքն ամրապնդվում է նավթի համաշխարհային գների աճի ֆոնին, հաղորդում է РБК-ն:
