Երաժիշտ, «Լենինգրադ» խմբի անդամ Ստաս Բարեցկի Սանկտ Պետերբուրգի խանութներից մեկում Samsung-ի iPhone եւ պլանշետ է ջարդել: Ինչպես նա պատմել է «Մոսկվան է խոսում» ռադիոկայանին, ինքը նման քայլի է դիմել հայրենական արտադրությանը զարգացման կոչ անելու նպատակով:
Բարեցկին վաճառողին խնդրել է ռուսական հեռախոսներ ցույց տալ, բայց պարզվել է, որ խանութն այդպիսիք չի վաճառում: Այդ ժամանակ նա նետել է խորհրդատուի առաջարկած սարքերը եւ ոտքով ջարդել է:
«Այս ակցիայի նպատակը սարքերի դեմ բողոքելը չէ, այլ ցույց տալը, որ պետք է ինչ-որ բան ստեղծել՝ մեր սեփական սարքերը, վերականգնել էլեկտրոնիկայի գործարանները… Ինչո՞ւ պիտի մենք ամեն ինչ առնենք: Դա հսկայական գումարներ արժե» — մեկնաբանել է Բարեցկին: Նա ավելացրել է, որ վաճառքի սրահին փոխհատուցել է վնասը:
Երաժիշտը նաեւ հաղորդել է, որ ինքը «հին Nokia» է օգտագործում և դրա համար մեղավորության զգացում չունի:
«Ֆինները խոշոր հաշվով մեր եղբայրներն են: Ինչո՞ւ պիտի ամբողջ փողս տամ iPhone-ին: Ձեւավորում մտածեք, լոգոտիպերը փոխեք, ոնց որ չինացիներն են անում: Շատերը ինձ հանդիմանում են, որ BMW եմ քշում, շուտով կայրեմ դա, ու վերջ: Ու «Ժիգուլիի» կանցնեմ: Լրիվ լուրջ եմ ասում», — նշել է երաժիշտը:
