Միջազգային վարկանիշային Moody's գործակալությունը վերանայել է 2016-ի ռուսական տնտեսության համար կանխատեսումները: Զրոյական աճի և լճացման փոխարեն, մասնագետներն այժմ սպասում են, որ տնտեսությունը կշարունակի կրճատվել և ՀՆԱ-ն նոր անկում կարձանագրի:
Չինաստանի տնտեսական զարգացման դանդաղումը թույլ չի տա, որ հումքի համաշխարհային գներն աճեն, ինչը կնպաստի Ռուսական տնտեսության ավելի մեծ կրճատմանը, գրված է Moody's-ի նորացված կանխատեսման մեջ:
Moody's-ը Ռուսաստանը դասում է այն երկրների թվին, որոնց լրջագույն խնդիրներ են սպասում: Եթե կանխատեսման նախորդ տարբերակում նշվում էր, որ 2016-ին ՌԴ տնտեսության աճը զրոյական կլինի, ապա այժմ փորձագետները ՀՆԱ-ի 0,5% կամ նույնիսկ 1,5% անկում են կանխատեսում:
Ռուսաստանի տնտեսության անկման պատճառների թվին Moody's-ը հումքային գների ցածր մակարդակի հետ միասին դասում է ռուբլու շարունակվող անկումը, հաղորդում է РБК-ը:
Երկրների G20 խմբում Moody's-ի հաշվարկներով 2016-ին ընդհանուր աճը կկազմի 2,8%: Դա 0,3 տոկոսային կետով ցածր է նախկինում կանխատեսվածից: