Անհայտ մարդիկ հրդեհել են Հյուսիս-արեւմտյան Գերմանիայի Հարավային Սաքսոնիա տարածքում գտնվող փախստականների ճամբարը:
Անհայտ մարդիկ «Մոլոտովի կոկտեյլը» նետել են առաջին հարկի պատուհանից ներս՝ այն սենյակի հարեւանությամբ, որտեղ իր երեք երեխայի հետ Զիմբաբվեից մի փախստական կին էր ապրում:
Ոստիկանությունը կարծում է, որ հրդեհման պատճառ կարող է հանդիսացած լինել այլատյացությունը, հաղորդում է ՌԻԱ Նովոստին՝ վկայակոչելով Spiegel-ին:
Երեքհարկանի շենքում մոտ 30 փախստական է ապրելիս եղել: Հրդեհի հետեւանքով ոչ ոք չի տուժել:
Օգոստոսի 24-ի գիշերը հրդեհ էր տեղի ունեցել նաեւ գերմանական Ունտերվայսախ քաղաքում, որտեղ իշխանությունները պատրաստվում էին փախստականների ապաստան կազմակերպել: Տեղի ոստիկանությունը չի բացառում դիտավորյալ հրդեհման վարկածը:
Վերջին շաբաթվա ընթացում Գերմանիայում մի քանի միջադեպ է արձանագրվել, որոնցում արմատականորեն տրամադրված ցուցարարները փորձել են թույլ չտալ, որ փախստականներին տեղավորեն իրենց համար կառուցված ապաստաններում: