Օդեսայի նահանգապետ Միխայիլ Սաակաշվիլին սպառնացել է ամբողջությամբ լուծարել տեղի ոստիկանությունը՝ այն «քրեական սինդիկատ» կոչելով:
«Երեկ հովանավորելու դիմաց կաշառք ստանալիս հանցանքի վայրում ձերբակալվել է Օդեսայի ոստիկանության ղեկավարը: Հաստատվել է այն, ինչ ես միշտ պնդում էի. Օդեսայի ոստիկանությունը քրեական սինդիկատ է: Իմ կարծիքով նրանց պետք է ամբողջությամբ լուծարել եւ նոր եղանակով կազմակերպել», - գրել է Սաակաշվիլին ֆեյսբուքյան իր էջում:
Նա ընդգծել է. «Այս պահին Ուկրաինայի Ներքին գործերի նախարար Արսեն Ավակովի հետ ՆԳՆ-ի ներսում հատուկ ստորաբաժանում կստեղծենք, որի աշխատակիցներին շատ խնամքով կընտրենք, եւ դա կզբաղվի շրջանային ադմինիստրացիայում եւ օրինապահ կառույցներում կաշառակերության դեմ պայքարով»,- հաղորդում է «Ինտերֆաքս-Ուկրաինան»:
Օգոստոսի 27-ի երեկոյան Ուկրաինայի ՆԳՆ Օդեսայի քաղաքային վարչության ղեկավար Օլեգ Մակուխան ձերբակալվել էր 20 հազար դոլար կաշառք ստանալիս, որը նրան հանձնվում էր կորպորատիվ հակամարտության լուծմանն աջակցելու համար: