Ամերիկյան Քալիֆորնիա նահանգի բնակիչների նախաձեռնող խումբը Nestle-ի նկատմամբ հայց է ներկայացրել Լոս Անջելեսի դաշնային դատարան: Ընկերությանը մեղադրում են նրա համար, որ կատվի կերի արտադրության մեջ կարող է օգտագործած լինել թաիլանդական ծովամթերք, որը ձեռք է բերվել ստրկական աշխատանքով:
Ամերիկացի ակտիվիստները կասկածում են, թե ստրուկներ են աշխատել կատուների համար Fancy Feast սննդի արտադրության մեջ:
Հայցվորները համարում են, որ Nestle-ն ավելի քան 13 հազար տոննա կատվի սնունդ է գնել, որը ստեղծվել էր Thai Union Frozen Products ծովամթերքից: Տվյալ սննդի որոշ բաղադրիչներ կարող են ձեռք բերված լինել ստրկական աշխատանքի միջոցով, փոխանցում է Gazeta.ru-ն՝ վկայակոչելով Bloomberg-ին:
Ծովամթերքի թաիլանդացի մատակարարողները հաճախ իրենց ապրանքը գնում են այն նավերից, որոնց անձնակազմը կազմում են Մյանմայում եւ Կամբոջայում գնված տղամարդիկ եւ տղաները:
