Բրիտանական հայտնի Top Gear հաղորդման նախկին հաղորդավար Ջերեմի Քլարքսոնի տարեկան աշխատավարձը, որն ավտոմոբիլային նոր շոու է վարելու Amazon Prime վիդեոծառայությունում, շուրջ 15 մլն դոլար կկազմի: Այս մասին հաղորդում է բրիտանական The Independent պարբերականը:
Սպասվում է, որ հեռուստաշոուն բաղկացած կլինի 3 սեզոնից, իսկ առաջին հաղորդումները կհեռարձակվեն 2016 թվականին: Amazon Prime-ը 36 հաղորդման համար ավելի քան 240 մլն դոլար է հատկացրել:
Ինտերֆաքսի փոխանցմամբ, շոուն կարող են դիտել Amazon Prime-ի բոլոր բաժանորդները՝ տարեկան 121 դոլար վճարի դիմաց:
Այս տարվա մարտին Քլարքսոնին BBC-ից հեռացրել էին պրոդյուսերներից մեկին հարվածելու համար, երբ վերջինն ուշ երեկոյան հյուրանոցում չէր կարողացել նրա համար սթեյք պատվիրել:
