Սոցցանցերի ադրբեջանցի օգտատերերը վրդովված են կոմունալ ծառայությունների գործողություններից, որոնց արդյունքում մի քանի շուն է մահացել:
Ըստ haqqin.az-ի, շուն ունեցողները խորհուրդ են տալիս կենդանիներին զբոսանքի չտանել քաղաքի կենտրոնում տեղակայված զբոսայգիներում:
«Լաքին 1.2 տարեկան էր եւ մահացավ: Նա զոհվեց տխմարների անօրինականությունների պատճառով, որոնք զբոսայգիներում թույն են լցնում: Զբոսնում էր, հոտոտում խոտը: Դրանից ընդամենը երկու ժամ անց նա մահացավ, եւ թունավորման գործընթացը կանգնեցնել հնարավոր չէ»,- գրել է օգտատերերից Լեյլա Մամեդովը:
Շուն ունեցողների կարծիքով, սիզամարգերի թունավորման պատճառն այն է, որ կոմունալ ծառայություններին արգելել են կրակել շներին:
Մինչ այդ, մահացած կենդանիների տերերն արդեն բողոք են պատրաստում՝ ներկայացնելու բարձրագույն մարմիններին, պահանջելով դադարեցնել Բաքվի զբոսայգիների սիզամարգերի թունավորումը: