Սեպտեմբերի 21-28-ի ժամանակահատվածում հսկայական աստերոիդի հետ բախման հետեւանքով Երկիրը «կոչնչանա»: Ըստ Mirror-ի, այս մասին վստահեցնում են դավադրության տեսության կողմնակիցները:
Երկնային մարմինը, որը, նրանց կարծիքով, պետք է վայրէջք կատարի Պուերտո Ռիկոյի տարածքում, լուրջ ավերածություններ կառաջացնի ամերիկյան եւ աֆրիկյան մայրցամաքներում եւ աշխարհի վերջի պատճառ կդառնա: Չորս շաբաթ անց Երկրի կործանման տեսության հեղինակն ինքնահռչակ մարգարե Էֆրաին Ռոդրիգեսն է Պուերտո Ռիկոյից: Նա հայտարարել է, որ «տեղեկությունը ստացել է Աստծո հետ անձնական շփման ժամանակ»:
Ռոդրիգեսը պնդում է, որ իր ակնկալած 2.5 կիլոմետրանոց աստերոիդը բազմաթիվ բնական աղետների պատճառ կդառնա: Պուերտո Ռիկոյից հետո կկործանվեն ԱՄՆ-ն, Մեքսիկան, Կենտրոնական եւ Հարավային Ամերիկաները: Մարգարեն այդ տարածաշրջանների ղեկավարներին կոչ է անում անհապաղ տարհանել մայրցամաքների բնակիչներին: