Ամերիկյան Մինեսոթա նահանգում 8-ամյա երեխան, իր հետ վերցնելով եղբորն ու քրոջը, փախել է խնամակալ ընտանիքից, գողանալով ավտոմեքենան: Մինեսոթայի ոստիկանությունը հրապարակել է տեսագրություն, որտեղ երեւում է, թե ինչպես է ավարտվել երեք երեխաների ուղեւորությունը: Պարզվում է, մեքենան՝ 8-ամյա տղայի ղեկավարությամբ, որոշ ժամանակ պտտվել է արվարձանում, մինչեւ այն նկատել են ճանապարհային ոստիկանության աշխատակիցները:
Ղեկին նստած երեխան քնազգեստով էր, մեքենայում էին նաեւ նրա խորթ եղբայրն ու քույրը ՝ 3 եւ 5 տարեկան: Երեխաներն իրենց հետ վերցրել էին նաեւ պայուսակ՝ իրենց իրերով:
Երեխաներին վերադարձրել են խնամակալ ընտանիք: Նրանց փախուստի պատճառն անհայտ է մնում, հայտնում է «ՆՏՎ»-ն ՝ վկայակոչելով AP-ը:
