Հետազոտողները պարզել են, թե հատկապես որ մասնագիտությունն է ամենից նյարդայինը: Պարզվում է՝ ամենաբարդ ու լարված գործը միջին օղակի մենեջերներինն է:
Կոլումբիայի համալսարանին առընթեր Հասարակական առողջության դպրոցի մասնագետներն ավելի քան 21 հազար մարդու մասնակցությամբ հետազոտություն են անցկացրել՝ պարզելու համար, թե հատկապես որ մասնագիտությունն է ուժեղ ազդեցություն ունենում մարդու նյարդային համակարգի վրա:
Կամավորներին երեք խմբի են բաժանել, որոնց թվում եղել են բիզնեսի սեփականատերեր, տարբեր բաժինների ղեկավարներ, ինչպես նաեւ շարքային աշխատակիցներ: Պարզվել է, որ ամենից խոցելին միջին օղակի ներկայացուցիչներն են, քանի որ ավելի շատ են հակված անհանգստանալ իրենց աշխատանքի արդյունքների համար՝ ձգտելով կարիերայում առաջխաղացման:
