Արեգակնային համակարգի անկայունության հետեւանքով առաջիկա 5 մլրդ տարվա ընթացքում Մերկուրին կարող է ընկնել Արեգակի կամ Վեներայի վրա: Սակայն Երկրին եւ այլ մոլորակների ոչինչ չի սպառնում: Այսպիսի հայտարարությամբ է հանդես եկել Հավայան կղզիների համալսարանից աստղագետ Ռիչարդ Զեեբեն:
ՌԻԱ Նովոստիի փոխանցմամբ, նա նշել է, որ Արեգակնային համակարգն անկայուն է եւ քաոտիկ, եւ հեռավոր ապագայում կարող է կորցնել Մերկուրի մոլորակը: Նման հաշվարկներ կատարելուն աստղագետին մղել է նրա որոշ գործընկերների պնդումները, որ Մերկուրիի ուղեծիրը կարող է ապակայունանալ եւ բախվել մեր մոլորակին, ինչի արդյունքում որոշ ժամանակ անց Երկիրը կարող է ոչնչանալ:
Զեեբեն հաշվարկները կատարել է Cray CS300 գերհամակարգչի օգնությամբ՝ ծախսելով մի քանի ամիս: Սովորական համակարգչով աշխատանքի համար ավելի քան 1.7 մլն ժամ կպահանջվեր (200 տարի):
Պարզվել է, որ Մերկուրին իսկապես կարող է առաջիկա մի քանի միլիարդ տարվա ընթացքում կործանվել, սակայն նրա «զոհը» կդառնա ոչ թե Երկիրը, այլ Արեգակը կամ Վեներան: Դրա հնարավորությունը մեծ չէ՝ 0.6%, սակայն դրա հավանականությունը բացառել նույնպես չի կարելի: