Գերմանիայի Կոբլենց քաղաքի մոտ 10 հազար բնակիչներ ստիպված են լքել իրենց տները՝ Երկրորդ համաշխարհային պատերազմի ժամանակներից մնացած ռումբ հայտնաբերելու պտճառով։
Ռումբի քաշը մոտ մեկ տոննա է, այն հայտնաբերվել է մի քանի օր առաջ, շինարարական աշխատանքների ժամանակ։
Երբ տարահանումն ավարտվի, սակրավորները կփորձեն հեռացնել պայթուցիչը, հաղորդում է ՏԱՍՍ-ը։
Ընդհանուր առմամբ, Երկրորդ աշխարհամարտի ժամանակ Գերմանիայի վրա 2 մլն ռումբ է նետվել, որի 20 տոկոսը չի պայթել։ Մի քանի ամիսը մեկ անգամ այդ ռումբերը հայտնաբերում են ճանապարհներ կառուցող կամ նոր շենքի հիմքեր գցող բանվորները։