Միչիգանի տեխնոլոգիական համալսարանի գիտնականները հատուկ նյութ են ստեղծել, որը կարող է հաշված վայրկյանների ընթացքում վերականգնվել: Այս մասին գրում է «Ռոսիյսկայա գազետա»-ն՝ վկայակոչելով New scientist ամսագրին:
Հայտնագործության հեղինակը Թիմոթի Սքոթն է, որը հայտարարել է, որ անհաղթ «Տերմինատոր 2» ռոբոտի նախատիպն է իրեն այդպիսի բացահայտման համար ներշնչանքի աղբյուր հանդիսացել:
Ինքնավերականգնվող «մաշկի» առանձնահատկությունը տրիբուտիլբորանի պարունակությամբ հեղուկն է: Լաբորատորիայի կայքում հայտնագործության արդյունավետությունը ցուցադրվում է տեսանյութի միջոցով: Փամփուշտի հարվածից հետո նյութը մեկ րոպեի ընթացքում վերականգնվում է:
Գիտնականները կարծում են, որ բացահայտումը հաջողությամբ կարող է օգտագործվել տիեզերակայաններում, որտեղ ցանկացած վնասվածք կարող է մահացու վտանգ առաջացնել:
