Այսօր՝ օգոստոսի 30-ին, ժամը 16:57-ին ահազանգ է ստացվել, որ Վանաշեն-Ոսկետափ ավտոճանապարհին ՃՏՊ է տեղի ունեցել: ՀՀ ՏԿԱԻՆ մամուլի ծառայության փոխանցմամբ, ավտոմեքենան դուրս է եկել ավտոճանապարհի երթեւեկելի մասից եւ գլորվել ձորը: Դեպքի վայր է մեկնել մեկ մարտական հաշվարկ:
Պարզվել է, որ Վեդի-Ոսկետափ ավտոճանապարհի 7-րդ կմ-ին «ՈՒԱԶ 3152» մակնիշի 18 CP 008 համարանիշի (վարորդը` Շ.Մ., ծնվ. 1977թ.) ավտոմեքենան, դեռեւս չբացահայտված հանգամանքներում, կողաշրջվել է: Բարեբախտաբար, տուժածներ չկան:
Հրշեջ-փրկարարները հոսանքազրկել են ավտոմեքենան եւ փակել գազի բալոնի փականը:
