Մեծ Բրիտանիայի մայրաքաղաք Լոնդոնի Նոթինգ Հիլ թաղամասում կիրակի մեկնարկած ամենամյա Կարիբյան դիմակահանդեսի ժամանակ ոստիկանությունը մոտ 100 մարդ է ձերբակալել։ Ինչպես հայտարարել է Սքոթլենդ Յարցի պաշտոնական ներկայացուցիչը, մասնակիցների մեծ մասը ձերբակալվել է թմրանյութ օգտագործելու կամ տարածելու կասկածանքով։ Կան նաեւ զենք կրելու, գողության, սեռական բնույթի հանցագործությունների համար ձերբակալված մարդիկ։ Ոստիկանության ներկայացուցչի խոսքով՝ իրենք առգրավել են 350 կոնտեյներ «ծիծաղաբեր գազ», գրում է «ՌԻԱ Նովոստի»-ն։
Եվրոպայի ամենախոշոր փողոցային շքերթն ընթանում է ամռան վերջին հանգստյան օրերին։ Նախկին Կարիբյան գաղութներից ներգաղթյալների հոսքի հետ այդ դիմակահանդեսը տեղափոխվել է Մեծ Բրիտանիա։
Լոնդոնում առաջին կարիբյան դիմակահանդեսը տեղի է ունեցել 1958թ.։
