Բուլղարիայի Վառնա քաղաքում կառավարական ինքնաթիռը, որում եղել է երկրի վարչապետ Բոյկո Բորիսովը, վթարային վայրէջք է կատարել։ Այս մասին հայտնում է Բուլղարիայի ազգային ռադիոն։
Միջադեպը տեղի էր ունեցել օգոստոսի 30-ին։ Հարկադիր վայրէջքի պատճառը թռիչքի ժամանակ ի հայտ եկած շասսիի անսարքությունն է եղել։
Վարչապետն ուղեւորվում էր Պլովդիվ, որտեղ պետք է ներկա լիներ նոր մարզական համալիրի բացման արարողությանը, գրում է Lenta-ն։
Ինչպես հայտարարել է Բուլարիայի տրանսպորտի նախարար Իվայլո Մոսկովսկին, ով ուղեկցում էր վարչապետին, օդանավը կուղարկեն Շվեյցարիա՝ տեխնիկական զննության համար։
Հաղորդվում է, որ միջադեպից տուժածներ չկան։