Սոցցանցերի նոր հիթը այնպիսի սելֆիներն են, որոնցում օգտատերերը ուշադրություն են գրավում պոլիէթիլենային տոպրակներից «շապիկներ» հագած: Այդ մասին հաղորդում է Gazeta со-ն՝ վկայակոչելով The Daily Mail-ին: Այս նոր միտումը Թայվանում է ծնվել:
Օգտատերերը ինքնադիմանկարներ են անում՝ սուպերմարկետից բերված տոպրակն օգտագործելով որպես միակ հագուստ: Ինչպես նշում է թերթը, այս նորաձև միտումը գերել է և տղամարդկանց, և կանանց: Հատկապես «զիլ» է համարվում 7-Eleven ցանցերի տոպրակով սելֆին:
Պարբերականը հայտարարում է, որ այս տարվա նորաձևության «թեժ» միտումը աներևակայելիորեն մատչելի է և «շքեղ»: Թերթը նաև չի բացառում, որ օգտատերերի համար ներշնչանքի աղբյուր է հանդիսացել Ավստրալիայում նորաձևության ապրիլյան շաբաթը, որտեղ St George New Generation ցուցադրության մասնակիցները պոդիում էին դուրս գալիս գլխներին պոլիէթիլենային տոպրակ հագցրած: