Չինաստանի Տյանցզին քաղաքում վտանգավոր նյութերով լի պահեստի պայթյունի զոհերի թիվը, վերջին տվյալներով, 158-ի է հասել, գրում է «Ժենմին ժիբաո» թերթը՝ վկայակոչելով փրկարարական շտաբին:
Ավելի վաղ հաղորդվել էր 150 զոհվածի մասին: Եվս 15 մարդու ճակատագիրն անհայտ է: Բոլոր զոհվածների անձը պարզվել է, փոխանցում է ՌԻԱ Նովոստին: Աղետի զոհերի թվում 94 հրշեջ և 11 ոստիկան կա: Հիվանդանոցներում դեռևս մնում է 356 տուժած:
Տյանցզինում արտակարգ պատահարը տեղի էր ունեցել օգոստոսի 12-ին: Առաջին պայթյունին, որի հզորությունը գնահատվում է 3 տրոտիլային տոննա, հետևել են նորերը, որոնցից ամենախոշորի հզորությունը կազմել է 21 տրոտիլային տոննա:
