Թուրքիայի Շիրնակ նահանգում, որը սահմանակից է Իրաքին, պայթյունի հետեւանքով ոստիկաններ են տուժել: Ինչպես հայտնում է տեղական հեռուստատեսությունը՝ ոստիկանական փոխադրամիջոցի անցնելու պահին «Քուրդիստանի աշխատանքային կուսակցության» գրոհայինները հեռահար կառավարման միջոցով գործի են դրել ճանապարհին տեղադրված ռումբը:
Հարձակումը տեղի է ունեցել Իդիլ եւ Ջիզրե վարչաշրջանների միջեւ գտնվող ճանապարհին, որտեղ «Քուրդիստանի աշխատանքային կուսակցության» ակտիվությունը բարձր է: Իրավապահները ծառայողական ավտոբուսով գնում էին տեղի օդանավակայան՝ այնտեղ իրենց ծառայությունն իրականացնելու, հայտնում է «ՏԱՍՍ»-ը:
Մայրուղին երկու ուղղություններով էլ փակված է: Վիրավորների թիվը ճշգրտվում է: Հարձակման տարածք են եկել շտապ օգնության մեքենաները ու ոստիկանության հատուկ նշանակության ստորաբաժանումները ՝ ահաբեկիչների հնարավոր հարձակումը հակադարձելու համար: