Թուրքիայի ընտանիքի եւ սոցիալական հարցերով նախարար Այշե Գյուրջանը սկանդալային հայտարարություն է արել, ինչը մեծ աղմուկ է բարձրացրել թուրքական մամուլում եւ սոցկայքերում։
Թուրքական Sozcu պարբերականի փոխանցմամբ՝ Թուրքիայի ընտանիքի եւ սոցիալական հարցերով նախարար Այշե Գյուրջանը, ով հայտնի է որպես առաջին գլխաշորով թուրք նախարար, հայտարարել է, որ եթե մուսուլման կինը կարկանդակ պատրաստել չիմանա, նրա ընտանիքը դատապարտված է քանդվելու։
Թուրք կին նախարարի այս խոսքերը Twitter-ում #BörekYüzünden հեշտեթի տակ հազարավոր զավեշտալի մեկնաբանություններ է հավաքել։