Ոստիկանությունը տեսանյութ է հրապարակել օգոստոսի 28-ին Լոռու մարզի Կուրթան գյուղում 16-ամյա երիտասարդի սպանության վերաբերյալ:
Օգոստոսի 28-ին «որովայնի առաջնային պատի ծակած-կտրած վնասվածքով» Ստեփանավանի բժշկական կենտրոն ՝ ընդունվել Կուրթանի բնակիչ, 16-ամյա Վարդան Գեւորգյանը, որը գիտակցության չգալով մահացել է:
Դեպքի առթիվ ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով:
Սպանությունը կատարելու կասկածանքով նույն օրը ձերբակալվել է Կուրթան գյուղի բնակիչ Սեյրան Գեւորգյանը: Նա խոստովանել է, որ դեպքի օրը՝ օգոստոսի 28-ին՝ ժամը 20:00-ի սահմաններում, ինքն է իր կողմից օգտագործվող դանակով հարվածել Վարդան Գեւորգյանին:
Հանցագործության գործիք հանդիսացող դանակը հայտնաբերվել է: Քննությունը շարունակվում է:
