Սեպտեմբերի 1-ին ՖԻՆՔԱ-ն շուրջ 2500«ՖԻՆՔԱ» անձրեւային բաճկոններ նվիրեց Հայաստանի ավելի քան 100 դպրոցների առաջին դասարանցիներին` ուսումնական տարվա մեկնարկն անսպասելի եւ էլ ավելի գունեղ դարձնելով նրանց համար: Այսուհետ ՖԻՆՔԱ-ն խորհրդանշող այս վառ բաճկոնները պայծառ տրամադրություն կապահովեն երեխաների համար անգամ ամպամած եւ մռայլ եղանակին:
Արդեն 6 տարի է, ինչ ՖԻՆՔԱ-ն իրականացնում է իր «Անհոգ մանկություն» նախագիծը եւ գեղեցիկ անակնկալներով փորձում է գունավորել Հայաստանի տարբեր անկյուններում բնակվող երեխաների մանկությունը: Դեռեւս անցյալ տարի էր, երբ ՖԻՆՔԱ-ն իր լոգոյով եւ գույներով դպրոցական պայուսակներ նվիրեց Հայաստանի 100 դպրոցների ավելի քան 2000 առաջին դասարանցիներին:
«Ցանկացած կազմակերպություն պետք է մասնակցի հասարակության եւ երկրի կերտման ու զարգացման գործընթացին: Երեխաները երկրի եւ հասարակության ապագան են, եւ ՖԻՆՔԱ-ն, որպես սոցիալապես պատասխանատու կազմակերպություն, մշտապես փորձում է ուշադրությամբ եւ հոգատարությամբ շրջապատել նրանց` իր համեստ ներդումն ունենալով նրանց անհոգ մանկության ապահովման գործում», նշեց ՖԻՆՔԱ-ի գլխավոր տնօրեն Հրաչյա Թոխմախյանը:
ՖԻՆՔԱ-ի համար արդեն ավանդույթ է դարձել Սեպտեմբերի 1-ին հատուկ եւ գիշերօթիկ դպրոցների աշակերտներին այցելելը: Երեխաներն ամեն տարի մեծ անհամբերությամբ են սպասում ՖԻՆՔԱ-ին` համոզված լինելով, որ ՖԻՆՔԱ-ի այցն իրենց օրն իսկական տոնի է վերածելու:
Առաջին ուսումնական տարին մեծ ակնկալիքներով ու երազանքներով սկսած այս փոքրիկները նվերները ձեռքերին խոստացան լավ սովորել եւ իրենց երկրին պիտանի մասնագետ դառնալ: