Թուրքիայի քրդաբնակ Շրնաք նահանգի Սիլոփի շրջանում ոստիկանության դիպուկահարները կրակել են տան տանիքում քնած մոր եւ աղջկա վրա։

Թուրքական IMC TV կայքի փոխանցմամբ՝ օգոստոսի 30-ի առավոտյան Սիլոփի շրջանի ոստիկանության դիպուկահարները դեռեւս անհայտ պատճառներով կրակ են բացել շենքերից մեկի տանիքում քնած 14-ամյա աղջկա վրա եւ աղջկան օգնության շտապող մոր՝ 55-ամյա Ֆաթմա Այի վրա։

Մորն ու աղջկան շտապ հիվանդանոց են տեղափոխել, սակայն մոր կյանքը փրկել չի հաջողվել։