Հայաստանի քաղաքացիները կկարողանան առանց վիզայի Բրազիլիա մեկնել: Այս մասին որոշումն ընդունվել է ՀՀ կառավարության օգոստոսի 31-ի նիստում:
ԱԳ նախարար Էդվարդ Նալբանդյանը հայտարարել է, որ որոշումն ընդունվել է փոխադարձ կարգով. այսինքն՝ առանց վիզայի Հայաստան կարող են այցելել նաեւ Բրազիլիայի քաղաքացիները:
Ներկայում Հայաստանն արդեն առանց վիզայի ռեժիմ ունի լատինաամերիկյան երկու այլ պետության՝ Արգենտինայի եւ Ուրուգվայի հետ, որտեղ բնակվում են Հարավային Ամերիկայի խոշորագույն հայ համայնքները:
