Հայաստանը շարունակում է Մերձավոր Արեւելքում իր քաղաքացիներին եւ ծագումով հայերին անվճար անձնագրերի տրամադրումը: Կառավարության օգոստոսի 31-ի նիստին Հայաստանի ԱԳ նախարար Էդվարդ Նալբանդյանը նշել է, որ 2015 թվականի 2-րդ եռամսյակում Սիրիայի, Լիբանանի եւ Իրաքի հայերին 790 անձնագիր է տրվել կամ փոխանակվել, այդ թվում 217-ը՝ Դամասկոսում Հայաստանի դեսպանատան կողմից, 494-ը՝ Հալեպում գլխավոր հյուպատոսության, ինչպես նաեւ Լիբանանում (63) եւ Իրաքում (16) Հայաստանի դեսպանատների կողմից:
Պետական տուրքի փոխհատուցման նպատակով Կառավարությունն ԱԳ նախարարությանը 49.8 միլիոն դրամ է հատկացրել (ընթացիկ փոխարժեքով՝ շուրջ 103 հազար դոլար - խմբ.):
