Միչիգանի համալսարանի գիտնականները նոր նյութ են ստեղծել, որն ինքնավերականգնվող հատկություն ունի:
Ամուր նյութի երկու շերտերի միջեւ խեժից հեղուկ շերտ կա, որն օդի հետ չշփվելու դեպքում անսահման երկար ժամանակ կարող է պահպանվել: Երբ շերտերի ամբողջականությունը խախտվում է, օրինակ՝ նյութի մեջ փամփուշտ է ընկնում, հեղուկը դուրս է հոսում, եւ նյութի հիմնական բաղադրիչը քիմիական ռեակցիայի մեջ է մտնում թթվածնի հետ:
«Ռոսբալտ»-ի փոխանցմամբ, հետազոտության անցկացման համար միջոցներ է հատկացրել NASA-ն: Նախատեսում են նյութն օգտագործել տիեզերանավերի լրացուցիչ պաշտպանության համար:
