iPhone 6s սմարթֆոնների հիշողության նվազագույն ծավալը կկազմի 16 ԳԲ: Այս մասին իր Twitter-ում տեղեկացրել է Nowhereelse.fr կայքի խմբագիր Սթիվ Համմերստոֆերը:
Ըստ Gazeta.ru-ի, պարզվել է, որ նրա տրամադրության տակ է հայտնվել նոր iPhone 6s-ի փաթեթավորման պիտակը, որտեղ նշված է եղել, որ հեռախոսի հիշողությունը 16 ԳԲ է: Սա հերքում է ավելի վաղ տարածված լուրերը, որ Apple-ի հաջորդ սերնդի սմարթֆոնների հիշողությունը նվազագույնը 32 ԳԲ է լինելու:
Ավելի վաղ հայտնի էր դարձել, որ նոր iPhone-ների եւ Apple-ի այլ արտադրանքի շնորհանդեսը կայանալու է սեպտեմբերի 9-ին, Սան Ֆրանցիսկոյում: Նոր անոնսի կարգախոսն է՝ «Էյ, Siri, հուշում տուր ինձ»: