Ռուսաստանը սեպտեմբերի 1-ից սկսում է կատարել ՄԱԿ –ի Անվտանգության խորհրդի նախագահի գործառույթները, ՌԴ նախագահությունը կշարունակվի մինչեւ այս ամսվա վերջ:
Ինչպես ավելի վաղ հայտնել էր ՌԴ Արտգործնախարարության պաշտոնական ներկայացուցիչ Մարիա Զախարովան՝ «ՄԱԿ-ի Անվտանգության խորհրդում աշխատանքները գալիք ամսում կանցնեն ինտենսիվ ռեժիմով»:
«Ռուսական ամսվա առանցքային միջոցառումը կդառնա խաղաղության ու անվտանգության պահպանման, Մերձավոր արեւելքի ու Հյուսիսային Աֆրիկայում հակամարտությունների կարգավորման եւ ահաբեկչական սպառնալիքների դեմ պայքարի թեմաներով նախարարական բաց նիստը»,- ասել է Զախարովան:
Նրա խոսքով՝ այս նիստը կկայանա սեպտեմբերի 30-ին, հայտնում է «Ինտերֆաքսը»:
Բացի դրանից, ինչպես ակնկալվում է, Ռուսաստանի նախագահության ընթացքում կքննարկվի Լիբիայում առաքելության մանդատի երկարացումը: Զախարովայի խոսքով՝ քննարկման առարկան է դառնալու Լիբիայի իրավիճակը, իրադրությունը լիբիական պատժամիջոցային ռեժիմով:
«Պետք է երկարացնել այդ երկրին աջակցելու հարցում ՄԱԿ-ի առաքելության մանդատը»,- նշել է նա:
Ինչպես հայտնել էին, ՄԱԿ –ի Գլխավոր ասամբլեայի 70 րդ նստաշրջանը կբացվի սեպտեմբերի 15-ին ՝ Նյու յորքում համաշխարհային կազմակերպության շտաբ բնակարանում: Դրա շրջանակում սեպտեմբերի 25- 27-ը կանցնի գագաթնաժողով, որում պետք է հաստատեն՝ 2015թ. հաջորդող ժամանակահատվածում զարգացման ոլորտում գլոբալ օրակարգը: Սեպտեմբերի 28-ին կսկսվի համաքաղաքական բանավեճ, որին ծրագրված է ավելի քան 150 պետությունների ու ՄԱԿ –ի անդամ երկրների կառավարությունների ղեկավարների մասնակցությունը: Ռուսական պատվիրակությունը կղեկավարի պետության ղեկավար Վլադիմիր Պուտինը:
