ԲՀԿ–ն և Գագիկ Ծառուկյանը իշխանություններին չեն խանգարել: Այս մասին այսօր՝ սեպտեմբերի 1-ին, լրագրողների հետ զրույցում ասաց ԱԺ նախագահ Գալուստ Սահակյանը` պատասխանելով լրագրողի հարցին, թե արդյոք ԲՀԿ նախկին առաջնորդ Գագիկ Ծառուկյանին քաղաքականությունից հեռացրին, որովհետեւ նա խանգարում էր իշխանություններին։
«Բարգավաճ Հայաստանը, Գագիկ Ծառուկյանը, իհարկե, մեզ չէին խանգարում, ուղղակի քաղաքական նոր իրավիճակ է այժմ ստեղծվել: Քաղաքականությունն էլ է ժամանակի ընթացքում փոխվում»,-ասաց Գալուստ Սահակյանը:
ԱԺ նախագահը նշեց, որ դեռևս չգիտի, թե «Բարգավաճ Հայաստան» կուսակցությունն ինչ տեսակետ ունի Սահմանադրական բարեփոխումների վերաբերյալ. «Հնարավոր է, որ մի մասը կողմ լինի բարեփոխումներին, մյուսը մասը` դեմ, կերևա քվեարկության ժամանակ, իմ կարծիքով կլինեն կողմեր, դեմեր, նաև չմասնակցողներ»։