Ճապոնիայի ափերին երեքշաբթի 4 ձկնորսական նավ է շրջվել վատ եղանակային պայմանների պատճառով։ Ինչպես հայտնում է Կիոդո գործակալությունը, առնվազն 2 մարդ անհետ կորած են համարվում։
Երեք նավ շուռ են եկել Նագասակի պրեֆեկտուրայի Ցուսիմա կղզու ափերին, եւս մեկը՝ Յամագուտի պրեֆեկտուրայի Սիմոնոսեկի քաղաքից ոչ հեռու։ Տախտակամածին եղել է մի քանի մարդ, սակայն նրանց հաջողվել է փրկել, փոխանցում է ՏԱՍՍ-ը։
Շրջաններում, որտեղ տեղի են ունեցել միջադեպերը, ուժգին քամի է եւ հորդառատ անձրեւներ են տեղում։