Վարչապետ Հովիկ Աբրահամյանը աշխույժ աշակերտ է եղել, առիթի դեպքում` փախչել դասերից: Այս մասին այսօր՝ սեպտեմբերի 1-ին, լրագրողների հետ զրույցում ասաց վարչապետը, որն այցելել էր Երեւանի Լեւոն Միրիջանյանի անվան թիվ 155 դպրոց:
«Մեկ անգամ կազմակերպել եմ դասից փախչել, աշխույժ աշակերտ էի: Տարրական դասարանում էր, պատժվեցի անկարգության համար»,- ասաց վարչապետը՝ նշելով, որ ոչ մի անգամ իր համար ծնող չեն կանչել դպրոց:
Վարչապետը չցանկացավ հիշել իր դպրոցական առաջին սերը: NEWS.am-ի հարցին ի պատասխան նա միայն ծիծաղեց ու ասաց. «Տրամադրությունս թող աշխատանքային լինի»:
Վարչապետը հիշեց, որ լավ է սովորել, առարկաներից սիրել է մաթեմատիկան եւ երկրաչափությունը:
Վարչապետն անձամբ բաժանեց առաջին դասարանցիների առաջին այբբենարանները, շնորհավորեց առաջին ուսումնական տարվա կապակցությամբ։