Արդարադատության նախարարի թեկնածուներից մեկը ԱԺ ՀՀԿ խմբակցության պատգամավոր Արփինե Հովհաննիսյանն է: Այս մասին այսօր՝ սեպտեմբերի 1-ին, լրագրողների հետ զրույցում ասաց վարչապետ Հովիկ Աբրահամյանը:
«Հանրապետության նախագահի հետ կքննարկենք, որոշում կկայացնենք եւ առաջիկա մի քանի օրում կնշանակենք արդարադատության նախարար: Արփինե Հովհաննիսյանը թեկնածուների շարքում կա»,- ասաց վարչապետը՝ թեկնածուների այլ անուններ չնշելով:
Անդրադառնալով հարցին, թե ինչու է ուշանում նախարարի նշանակումը` վարչապետն ասաց, որ պատճառը, նախագահի, ապա իր արձակուրդներն են եղել։
Հիշեցնենք, որ արդարադատության նախարարի պաշտոնը թափուր է հուլիսի 14-ից, երբ Հովհաննես Մանուկյանն ազատվեց այդ պաշտոնից։
