Հունգարիայի իշխանությունները փակել են Բուդապեշտի գլխավոր երկաթուղային կայարանը փախստականների հոսքի կապակցությամբ, հայտնում է Reuters-ը։
«Գնացքների երթեւեկությունը դադարեցվել է։ Հարյուրավոր փախստականներ սպասում են»,- ասված է հայտարարության մեջ։
Ավելի վաղ հայտնի էր դարձել, որ Բուդապեշտից գնացքով Վիեննա է ժամանել 3650 փախստական, որոնց մեծ մասը ուղեւորվել է Գերմանիա։
Ոստիկանության հայտարարության մեջ նշվում է, որ միայն 6 փախստական՝ Աֆղանստանի քաղաքացիներ, դիմել են Ավստրիայի իշխանություններին փախստականի կարգավիճակ ստանալու համար, գրում է ՏԱՍՍ-ը։
Երկուշաբթի Վիեննայի արեւմտյան կայարան ժամանած գնացքների ուղեւորների թիվը իրավապահները կարողացել են հաշվել միայն երեքշաբթի առավոտյան։
Հունգարիայի մայրաքաղաքում շարունակում են մի քանի հազար փախստականներ մնալ։ Նրանց թիվն աճում է։ Անցյալ հանգստյան օրերին իրավապահները Սերբիայի հետ սահմանին մոտ 9 հազար փախստական էին ձերբակալել։