Անվտանգության եւ պաշտպանության խնդիրների լուծումը երաշխավորված են Հայաստանի սահմանադրական բարեփոխումների նախագծով։ Այս մասին սեպտեմբերի 1-ին կայացած մամուլի ասուլիսի ժամանակ հայտարարեց պաշտպանության նախարար Սեյրան Օհանյանը։
«Մենք մշտապես մասնակցել ենք քննարկումներին, ներկայացրել ենք մեր առաջարկները»,- ընդգծեց պաշտպանության նախարարը։ Հարցին, թե սահմանադրական բարեփոխումների նախագծում Գերագույն գլխավոր հրամանատարի պաշտոնի կապակցությամբ կան արդյոք որեւէ հավակնություններ, Սեյրան Օհանյանը պատասխանեց. «Մենք որեւէ հավակնություն չունենք»։
Ավելի վաղ պաշտպանության նախարարը հայտարարել էր, որ սահմանադրական բարեփոխումներ իրականացնելուն զուգահեռ՝ փոփոխություններ են լինելու նաեւ անվտանգության համակարգում:
«Մենք այն տեսակետին ենք, որ զինվորական հիերարխիան պետք է հստակ լինի եւ այդ հստակության մեջ է զինվորականության միանձնյա ղեկավարման սկզբունքի հինմնական առկայությունը եւ հաջողությունների գրավականը»,– ասել էր նախարարը։