ԱՄՆ-ում 101 տարեկան հասակում մահացել է Ցեղասպանություն վերապրած Եվգինե Սալիբյանը։

Նա Հայոց ցեղասպանության հարցում ճշմարտության եւ արդարության ակտիվ պաշտպաններից էր, գրում է Asbarez-ը։

2014թ. նա դարձել էր Սթիվեն Սփւլբերգի USC Shoah Foundation բարեգործական հիմնադրամի գալա երեկոյի պատվարժան հյուրը։ Այդ երեկոյի ժամանակ Քիմ Քարդաշյանի հետ արված համատեղ լուսանկարը լրատվամիջոցները տարածել էին ողջ աշխարհով։

«Ինձ համար մեծ պատիվ է ներկա լինել ցեղասպանություններին  նվիրված երեկոյին։ Ես նստած եմ հարյուրամյա հայուհու կողքին, որը փրկվել է Ցեղասպանությունից»,- այն ժամանակ գրել էր Քարդաշյանը։