Ադրբեջանական լրատվամիջոցները հերթական ապատեղեկատվությունն են տարածել՝ փորձելով սեւացնել հայերին։
Ինչպես հայտնում է Report-ը, Հայաստանի ԶՈւ-ն իբր թե կրակել է Տերտերի շրջանի Ղափանլի գյուղում հարսանեկան արարողության մասնակիցների ուղղությամբ։ Համաձայն տարածած տեղեկության՝ կրակոցներից վիրավորվել են 3 տեղաբնակներ։ «Տերտերի շրջանային հիվանդանոցը հրաժարվել է ընդունել վիրավորներին նրանց ծանր վիճակի պատճառով։ Նրանց շտապ տեղափոխել են Բարդայի շրջանային հիվանդանոց»,- փոխանցում է աղբյուրը։
Վիրավորներին օգնություն չցուցաբերած բժիշկների դիրքորոշումը առանձին թեմա է։ Սակայն հարցն այն է, որ առնվազն «հայկական կողմի կրակոցներից» վիրավորվածների մասին ոչինչ չի հիշատակվում։
«Ադրբեջանական լրատջվամիջոցների տարածած լուրերը չեն համապատասխանում իրականությանը։ Ղարաբաղը պահպանում է հրադադարի ռեժիմը այն դեպքում, երբ ադրբեջանական կողմը մշտապես լարում է իրավիճակը։ Ղարաբաղի ԶՈւ-ն վերահսկում է իրավիճակը»,- հայտարարել է ԼՂՀ ՊԲ մամուլի քարտուղար Սենոր Հասրաթյանը՝ NEWS.am-ի թղթակցի խնդրանքով մենաբանելով այս լուրերը։
