Վենեսուելայում հյուսիսում գտնվող բանտերից մեկում բռնկված հրդեհից զոհվել է 17 մարդ, վիրավորվել՝ 11-ը։ Բանտը գտնվում է Կարաբոբո նահանգում՝ Վալենսիա քաղաքի մոտակայքում։ Զոհերի ինքնությունը պարզվում է։
Հաղորդվում է, որ հրդեհից զոհվել է 9 տղամարդ եւ 8 կին։ Զոհերի հարազատները հայտնել են, որ տղամարդիկ եղել են կալանավայրի բանտարկյալները, իսկ կանայք՝ նրանց այցի եկած հարազատները։
Հրդեհի պատճառները պարզվում են, հայտնում է BBC-ի Ռուսական ծառայությունը։ Բանտարկյալների խոսքով՝ կրակը կարող էր բռնկվել էլեկտրահաղորդման լարերի անսարքությունից։