Ազգային ժողովում այս պահին ընթանում է Սահմանադրական բարեփոխումների մասնագիտական հանձնաժողովի անդամների հանդիպումը ԲՀԿ խմբակցության ներկայացուցիչների հետ: Այս մասին NEWS.am-ին ասաց ԱԺ ԲՀԿ խմբակցության ղեկավար Նաիրա Զոհրաբյանը:

Նշենք, որ հանձնաժողովի անդամներն արդեն հանդիպել են ՀՀԿ, «Ժառանգություն» եւ ՀՅԴ խմբակցությունների հետ: ՀԱԿ-ը, ըստ տեղեկությունների, հրաժարվել է հանդիպել:

Հիշեցնենք, որ Սահմանադրության նոր նախագիծն արդեն ուղարկվել է Ազգային ժողով: Աշնանային նստաշրջանի առաջին քառօրյային սկսվելու է քննարկումը: Նախատեսվում է, որ արդեն աշնան վերջին կլինի նոր նախագծի հանրաքվեն: