Եվրասիական միությունում ֆինանսական շուկաների ներազգային կարգավորիչը կարող է ի հայտ գալ միայն 2025 թվականին: Այս մասին NEWS.am-ի թղթակցի հետ զրույցում հայտարարեց Եվրասիական տնտեսական հանձնաժողովի Ձեռնարկատիրական գործունեության զարգացման դեպարտամենտի Ձեռներեցության, ծառայությունների եւ ներդրումների բաժնի ղեկավարի տեղակալ Ռինատ Գալիտդինովը:
Մինչ այդ պետք է ազգային օրենսդրությունների եւ բանկերին, ապահովագրական ընկերություններին եւ ֆինանսական շուկայի այլ մասնակիցներին ուղղված պահանջների համաձայնեցում արվի: Իսկ մինչ այդ, ըստ նրա, կենտրոնական բանկերը միմյանց հետ կհամակարգեն մակրոտնտեսական եւ արժութային քաղաքականությունը:
«Այդպիսի համակարգման շնորհիվ, օրինակ, հաջողվել է փակել մեկօրյա ընկերությունների միջոցով ֆինանսների հոսքը դեպի օֆշորային գոտիներ՝ կեղծ ծագմամբ ապրանքների մատակարարմամբ: ՌԴ Կենտրոնական բանկը Բելառուսի եւ Ղազախստանի գործընկերների հետ լուծում է գտել, եւ այդ սխեման արդեն կենսունակ չէ: Սա հաջող փոխգործակցության առաջին օրինակներից է»,- հայտարարեց Գալիտդինովը:
