Ուկրաինայի փոխվարչապետ Վալերի Վոշեւսկին հայտարարել է հրաժարականի մասին, հայտնում է «112 Ուկրաինա»-ն։
Այդ որոշումը կայացվել էր այն բանից հետո, երբ Օլեգ Լյաշկոյի «Արմատական կուսակցությունը» դուրս էր եկել իշխող կոալիցիայի կազմից եւ դարձել ընդդիմություն։ Վոշեւսկին փոխվարչապետի պաշտոնում նշանակվել էր «Արմատական կուսակցության» քվոտաներով։
«Կոալիցիայից դուրս գալը «Արմատական կուսակցություն» խմբակցության ընդհանուր որոշումն է եղել, եւ բոլորը պաշտպանել են այն։ Որպես հետեւանք՝ «Արմատական կուսակցությունը» չի կարող ներկայացված լինել կառավարությունում։ Դա ինձ համար նշանակում է, որ ես հրաժարական եմ տալիս»,- հայտարարել է Վոշեւսկին։
