Շանհայում Չինաստանի քաղաքացին դաժան հաշվեհարդար է տեսել կնոջ նկատմամբ՝ նրան մեղադրելով դավաճանության մեջ։ Խանդոտ ամուսինը խոհանոցային տապարով կտրել է կնոջ ձեռքը, որպեսզի նա կորցնի իր գրավչությունը բոլոր հնարավոր սիրեկանների համար։ Տղամարդը նախկինում էլ կնոջը սպառնացել էր անհրապույր դարձնել նրան տղամարդկանց համար։ 29-ամյա Ցինը հաշմանդամ է մնացել, քանի որ բժիշկները չեն կարողացել կտրած ձեռքը կարել մարմնին, գրում է Shanghaiist-ը։

Նախնական տեղեկությունների համաձայն ՝ 2015թ. հունվարին Ցինը աշխատանքի էր տեղավորվել, որից հետո նրա ամուսինը սկսել էր կնոջը կասկածել դավաճանության մեջ։ Նա կնոջը բազմիցս սպառնալից հաղորդագրություններ էր ուղարկել, իսկ անցյալ շաբաթ տղամարդը բռնի ուժով կնոջը աշխատավայրից տուն էր տարել եւ տապարով կտրել ձեռքը, գրում է Newsru-ն։