Եվրահանձնաժողովը չի բացառում Շենգենյան օրենսգրքում նոր փոփոխություններ կատարելու հնարավորությունը։ Այս մասին հայտարարել է Եվրահանձնաժողովի՝ ներքին քաղաքական եւ միգրացիայի հարցերով ներկայացուցիչ Նատաշա Բերտոն։
«Սահմանների մասին Շենգենյան օրենսգիրքը մի քանի անգամ վերանայվել է՝ այն ավելի հուսալի դարձնելու նպատակով։ Մենք սահմանային վերահսկողությունը վերականգնելու հնարավորությունը կիրառում ենք բացառիկ դեպքերում, ինչպես ահաբեկչական հարձակումների դեպքերն են։ Չի կարելի երբեք բացառել, թե ինչ կարող են պահանջել հետագա փոփոխությունները։ Սակայն սկզբունքը նույնն է մնում»,- ասել է Բերտոն երեքշաբթի կայացած ճեպազրույցի ժամանակ, փոխանցում է «ՌԻԱ Նովոստի»-ն։
Շենգենյան օրենսգրքի հնարավոր վերանայման մասին հայտարարությունները սկսել են հնչել աննախադեպ միգրացիոն ճգնաժամի եւ Ամստերդամից Փարիզ մեկնող ճեպընթաց գնացքի բախման ֆոնին։
