Մոսկվան որոշել է Ռուսաստանից վտարել ուկրաինացի դիվանագետ Իգոր Ֆեդիկեւիչին՝ ի պատասխան Կիեւի համանման գործողությունների։ Այս մասին հայտնում է «ՌԻԱ Նովոստի»-ն՝ վկայակոչելով ՌԴ ԱԳՆ-ում իր աղբյուրները։
«Ինչպես հիշում եք, մեր դիվանագետին վտարել էին Օդեսայից, մենք համապատասխան արձագանք ենք տալիս»,- նշել են գերատեսչությունում։
Հիշեցնենք, որ հուլիսին Ուկրաինայի ԱԳՆ-ն Օդեսայում ՌԴ գլխավոր հյուպատոսին պերսոնա նոն գրատա էր հայտարարել եւ վտարել երկրից՝ նշելով, որ դիվանագետը չի կատարել Վիեննայի կոնվենցիայի 23-րդ հոդվածը։
