Քալիֆորնիական Amazon ընկերությունը ամերիկյան խոշորագույն մուլտիմեդիա խմբերի մեջ առաջինն իր օգտատերերին առաջարկում է հեռուստատեսային սերիալներ, շոուներ եւ ֆիլմեր բեռնել՝ հետագայում օֆլայն դիտելու համար։
Այս մասին սեպտեմբերի 1-ին հայտարարել է ընկերության ներկայացուցիչը։
«Ոչ մի կասկած չկա, որ մշտապես փոխվում են զվարճանքի ծրագրերը դիտելու պայմանները։ Կարեւոր է, որպեսզի մենք ներկա լինենք այնտեղ, որտեղ գտնվում են մեր սպառողները»,- հայտարարել է Amazon-ի թվային տեսագրության փոխնախագահ Մայքլ Փոլը։
Նոր ծառայությունը Amazon Instant Video-ի գրանցված օգատերերին թույլ է տալիս ցուցակից ծրագրեր բեռնել, որոնք 30 օրվա ընթացքում բջջային սարքավորումների վրա հնարավոր կլինի դիտել վայրերում, որտեղ չկա ինտերնետ կապ, ինչպես օրինակ օդանավերում եւ հեռավոր տեղանքում։