Ուկրաինայի նախագահ Պյոտր Պորոշենկոն միջազգային հանրությանը կոչ է արել միավորվել՝ Ռուսաստանին համատեղ հակազդելու համար։ Պորոշենկոն նման հայտարարություն է արել Երկրորդ համաշխարհային պատերազմի ավարտի 70-ամյակի կապակցությամբ ուկրաինացի ժողովրդին հղած ուղերձում։ Այս մասին տեղեկացնում է Ուկրաինայի նախագահի մամուլի ծառայությունը։

Պորոշենկոն հայտարարել է, որ Ռուսաստանը Ղրիմի հարցում ցինիկաբար տրորել է միջազգային իրավունքը եւ Ուկրաինայի արեւելքում տեղի ունեցածի ողջ պատասխանատվությունը դրել է ռուսական կողմի վրա։

Այս կապակցությամբ նա ազատ աշխարհի բոլոր ժողովուրդներին կոչ է արել միավորվել՝ նշելով, որ ներկայումս Ուկրաինան զգում է համաշխարհային եւ եվրոպական առաջնորդների մեծամասնության աջակցությունը։