ԱԺ ՀՀԿ խմբակցության պատգամավոր Առաքել Մովսիսյանը՝ «Շմայսը», տեղյակ չէ, որ էթիկայի հարցերով ժամանակավոր հանձնաժողովը վարույթ է ընդունել իր՝բռնաբարության սպառնալիքի մասին հայտնի հայտարարության վերաբերյալ Հելսինկյան քաղաքացիական ասամբլեայի դիմումը:
«Ես ոչ մի տեղեկատվություն չունեմ, հաջողություն ձեզ»,- NEWS.am-ի թղթակցի հետ զրույցում ասաց ՀՀԿ-ական պատգամավորը՝ հրաժարվելով այլ հարցերի պատասխանել:
Հիշեցնենք, որ ՀՀԿ-ական պատգամավոր Առաքել Մովսիսյանը՝ Շմայսը, սպառնացել էր հնարավորության դեպքում գլխատել ու բռնաբարել բոլոր նրանց, ովքեր բացասաբար են արտահայտվել պաշտպանության նախարար Սեյրան Օհանյանի ընտանիքի հասցեին: