Ղազախստանի քաղաքացիների անձնագրերում կհայտնվեն երկրի նախագահ Նուրսուլթան Նազարբաեւի մտքերից մեջբերումներ։ Այս մասին հայտնում է Tengrinews.kz-ը։
Համապատասխան նորմը ընդգրկվել է «Անձը հաստատող փաստաթղթերի մասին» օրենքում փոփոխությունների նախագծում։
«Փաստաթղթով նախատեսվում է «Անձը հաստատող փաստաթղթերի մասին» օրենքում փոփոխություններ կատարել անձնագրերում առաջին նախագահի մտքերից հատվածներ մեջբերելու կետի կապակցությամբ»,- ասել է պատգամավոր Ռահմեթ Մուքաշեւը։
Բացի այդ, նոր օրենքով՝ քաղաքացիները անձնագիր ստանալիս երդում պետք է տան պետությանը։